12 окт 19:59
Янгиликлар

Бокс/ММА

Расман. Дмитрий Биволнинг навбатдаги жанги тасдиқланди (ПОСТЕР)

RCC промоутерлик компанияси 12 декабрь куни Екатеринбургда бўлиб ўтадиган бокс оқшомини расман эълон қилди.

Асосий жангда ярим оғир вазн тоифасида россиялик жаҳон чемпиони Дмитрий Бивол Буюк Британия вакили Каллум Смитга қарши мажбурий ҳимоя жангини ўтказади.

35 ёшли Бивол профессионал боксдаги фаолиятини 2014 йилда бошлаган. У 2017 йилда ярим оғир вазнда жаҳон чемпионига айланган, 2025 йилда эса мутлақ чемпионликка эришган. 36 ёшли Каллум Смит профессионал рингда 2015 йилдан буён қатнашиб келади. У 2018 йилда иккинчи ўрта вазн тоифасида жаҳон чемпиони бўлган. Британиялик боксчи 2021 йилдан ярим оғир вазнда жанг қилмоқда ва ушбу дивизионда жаҳон чемпионлик камарлари учун даъвогар бўлган.

Бивол Смитга қарши жангда ўзининг WBA, WBO, IBF ва WBO вақтинчалик камарини ҳимоя қилади.