06 фев 21:11
Янгиликлар

Бокс/ММА

Расман: Энтони Жошуа 1 апрель куни жанг ўтказади

Энтони Жошуанинг навбатдаги рақиби ва жанги расман маълум бўлди.

Оғир вазн тоифасида собиқ жаҳон чемпиони, британиялик боксчи Энтони Жошуа (24-3) 1 апрель куни навбатдаги жангини ўтказади. Ўша куни унга америкалик Жермейн Франклин (21-1) рақиблик қилади.

Жанг 1 апрель куни Лондон шаҳрида жойлашган O2 аренасида ўтказилади.

Энтони Жошуа сўнгги бор 2022 йил 20 август куни украиналик Александр Усикка (20-0) қарши реванш жангида рингга кўтарилиб, ҳакамлар қарори билан мағлуб бўлган эди. Жермейн Франклин эса оҳирги жангини ўтган йилнинг 26 ноябрида британиялик Диллиан Уайтга (29-3) қарши ўтказиб, очколар ҳисобига мағлуб бўлган эди. Қайд этиш лозим, бу Франклиннинг фаолиятидаги ягона мағлубият бўлиб турибди.