07 июл 07:22
Янгиликлар

Бокс/ММА

Расман. Энтони Жошуанинг навбатдаги рақиби ва жанг санаси эълон қилинди + ПОСТЕР

12 август куни Буюк Британия пойтахти Лондон шаҳридаги O2 Arena'да навбатдаги профессионал бокс оқшоми ташкил этилади.

Мазкур бокс оқшомининг марказий жангида супероғир вазн тоифасида Буюк Британия вакили Энтони Жошуа (25-3-0) ҳамюрти Диллиан Уайтга (29-3-0) қарши рингга чиқадиган бўлди. Жанг 12 раунд этиб белгиланган.

Бу Уайт учун реванш жанги ҳисобланади. 2015 йили бўлиб ўтган дастлабки тўқнашувда Жошуа муддатидан олдин ғалаба қозонишга муваффақ бўлган эди.

Эслатиб ўтамиз, Энтони Жошуа сўнгги жангини 1 апрель куни Жермейн Франклинга қарши ўтказиб, зафар қучганди. Қизиғи, Уайт ҳам охирги жангини Франклинга қарши ўтказган (2022 йилнинг 26 ноябрида) ва зафар қучган.