Расман: Европа лигаси тарихидаги энг яхши тўпурар фаолиятини Саудияда давом эттиради

Футболчи "Ал Қодисия" клуби билан икки йиллик шартнома имзолади. Шу вақт оралиғида ҳужумчи 40 миллион евро ишлаб олади.

Маълумот учун, Пьер-Эмерик Обамеянг ўтган мавсум барча мусобақаларда 50 та учрашувда майдонга тушди. Унинг ҳисобида 30 та гол ва 11 та голли узатма бор. Умуман олганда ҳужумчи фаолияти давомида барча жамоалари сафида 692 та учрашувда майдонга тушиб, 349 та гол урган ва 104 та голга ассист қайд этган. 

Шунингдек, ҳужумчи Европа лигаси тарихидаги энг яхши тўпурар ҳисобланади. Габонлик ҳужумчи нуфузи жиҳатдан Европанинг иккинчи рақамли турнирида жами 32 та гол урган.