Расман. Гилберт Бернснинг UFC'даги кейинги жанги санаси ва манзили эълон қилинди

Мусобақанинг марказий жанги расман эълон қилинди.

Унда яримўрта вазн тоифаси вакиллари - бразилиялик Гилберт Бернс ва америкалик Шон Брэди тўқнаш келади.

UFC чемпионлик камарига собиқ даъвогар Гилберт Бернс кетма-кет иккита жангида мағлубиятга учраган. У Белал Муҳаммадга очколар ҳисобига кўра имкониятни бой берган бўлса, Жек Делла Маддаленадан нокаутга учраган эди. 

Шон Брэди сўнгги жангида Келвин Гастелумни учинчи раундда кимура усули билан муддатидан аввал таслим этганди. Ундан аввал эса профессионал фаолиятидаги ягона мағлубиятини Белал Муҳаммаддан қабул қилиб олганди. Белал Шонни иккинчи раундда техник нокаутга учратганди.  

Айни пайтда Гилберт Бернс ҳамда Шон Брэди яримўрта вазн тоифаси UFC рейтингида мос равишда олтинчи ва саккизинчи ўринларни эгаллаб туришибди.