09 окт 09:36
Янгиликлар

Бокс/ММА

Расман. Исроил Мадримовнинг навбатдаги рақиби ва жанг санаси эълон қилинди (ПОСТЕР)

Ўзбекистонлик профессионал боксчи, супер ярим ўрта вазн тоифасида WBA собиқ чемпиони Исроил Мадримовнинг навбатдаги жанги тафсилотлари эълон қилинди.

Olamsport.com сентябрь ойида хабар берганидек, Мадримов кейинги жангини 21 декабрь куни Ар-Риёдда (Саудия Арабистони) ташкил этиладиган бокс оқшоми доирасида ўтказади.

Ҳамюртимизга украиналик Сергей Богачук рақиб бўлади.

Оқшомнинг марказий жанги британиялик оғир вазнда WBC собиқ чемпиони Тайсон Фьюри ҳамда мазкур вазнда тўртта камарни эгаллаб турган украиналик Александр Усик ўртасида кечади.

Эслатиб ўтамиз, Мадримов (10-1-1) ўзининг сўнгги жангини 4 август куни америкалик Теренс Кроуфордга қарши ўтказиб, очколар ҳисобига кўра мағлуб бўлганди. Украиналик 29 ёшли Сергей Богачук (24-2-0) эса ўзининг охирги жангини Вержил Ортисга қарши ўтказиб, имкониятни бой берган эди.