Расман. Жаҳонгир Нажмиддиновнинг навбатдаги рақиби ва жанг санаси маълум

Лига матбуот хизмати турнирдан ўрин олган яна бир жангни эълон қилди.

Унга кўра, ўзбекистонлик аралаш якка кураш устаси Жаҳонгир Нажмиддинов Octagon 70 турнири доирасида Қозоғистон вакили Еламан Жетписбай билан баҳс олиб боради.

Бу жанг спортчилар учун ўзаро иккичи беллашувга айланади.

Мусобақанинг марказий жанги ҳамюртимиз — Шоҳасан Мирзаматов ҳамда ярим ўрта вазн чемпиони Георгий Кичигин ўртасида кечади.

Маълумот учун, Жаҳонгир Нажмиддинов фаолияти давомида ҳозиргача 18 та жанг ўтказиб, 10 та ғалаба, 6 та мағлубият ва 2 та дуранг қайд этган. Жетписбай ҳисобида эса 5 та ғалаба, 1 та мағлубият ва 1 та дуранг мавжуд.