20 апр 14:04
Янгиликлар

Бокс/ММА

Расман. Жамал Хилл қисқа муддат ичида UFC'даги кейинги жангини ўтказади. Унинг рақиби ва жанг санаси тасдиқланди + ПОСТЕР

29 июнь куни АҚШнинг Невада штати Лас-Вегас шаҳридаги "T-Mobile Arena" мажмуасида UFC 303 турнири ўтказилади.

Ташкилотчилар ушбу турнирдан ўрин олган яна бир жангни омма эътиборига ҳавола қилишди.

Унга кўра, ярим оғир вазн тоифасида Лиганинг собиқ чемпиони, рейтингда учинчи ўринни эгаллаб турган америкалик Жамал Хилл турнир доирасида ҳамюрти, рейтингнинг олтинчи поғонасидаги Халил Раунтри билан тўқнаш келади.

Эсингизда бўлса, Хилл ўтган ҳафта ўтказилган UFC 300 турнирининг марказий жангида ярим оғир вазн чемпиони, Алекс Перейрага нокаут бўлган эди.

Маълумот учун, UFC 303 турнирининг марказий жанги иккита вазнда собиқ UFC чемпиони Конор Макгрегор ҳамда америкалик Майкл Чендлер ўртасида кечади.