19 июн 07:35
Янгиликлар

Бокс/ММА

Расман! Жейк Полнинг навбатдаги рақиби ва жанг санаси эълон қилинди + ПОСТЕР

Аввал хабар берганимиздек, америкалик блогер-боксчи Жейк Пол ноябрь ойига белгиланган Майк Тайсон билан жангини кутиб ўтирмоқчи эмасди.

Амалда ҳам шундай бўлиб чиқди. У 20 июль куни собиқ UFC жангчиси Майк Перрига қарши рингга кўтарилади. Жанг ташкилотчилар томонидан расман тасдиқланди. Бокс оқшоми Флорида штатининг Тампа шаҳрида ташкил этилади.

Эслатиб ўтамиз, аввалроқ Жейк Полнинг Майк Тайсонга қарши жанги 15 ноябрга кўчирилганди. Аслида, ушбу жанг 20 июль куни ўтказилиши керак эди. Аммо Тайсоннинг ошқозони оғриб қолиши натижасида жанг муддати ўзгарганди.