14 июн 09:06
Янгиликлар

Бокс/ММА

Расман! Конор Макгрегор - Майкл Чендлер жанги бекор қилинди

Икки вазн тоифасида собиқ UFC чемпиони Конор Макгрегор ҳамда америкалик собиқ Bellator промоушени чемпиони Майкл Чендлер ўртасидаги жанг ўтказилмайди.

Бу ҳақда шахсан UFC раҳбари Дана Уайт ўзининг ижтимоий тармоқдаги саҳифаси орқали хабар берди. Яримўрта вазн тоифасида ўтказилиши керак бўлган Макгрегор - Чендлер жанги 29 июнь куни Лас-Вегасда бўлиб ўтадиган UFC 303 турнирининг марказий тўқнашуви эди.

3 июнь куни UFC раҳбари Конорнинг ватани Ирландия пойтахти Дублин шаҳрида матбуот анжумани ўтказиши керак эди. Лекин ўшанда номаълум сабабларга кўра ушбу тадбир бекор қилинган ва нима учун ўтказилмагани ҳам очиқланмаганди. Майкл Чендлерга қарши жангнинг бекор бўлишига Конорнинг жароҳати сабаб бўлди.