21 май 12:21
Янгиликлар

Бокс/ММА

Расман. Лас-Вегасга UFC қайтмоқда, турнир 30 май куни ўтказилади

Ниҳоят, бокс ва ММА жангларининг маркази - Лас-Вегас шаҳрига UFC қайтмоқда.

Бу маълумотни UFC президенти Дэна Уайт тасдиқлади. Промоушеннинг навбатдаги турнири 30 май куни айнан АҚШнинг Невада штати Лас-Вегас шаҳрида бўлиб ўтади.

Лекин ҳозирча Невада штати Атлетик комиссияси штат ҳудудида спорт тадбирларини ўтказиш учун расман рухсат бермаган. Аммо, Уайтнинг сўзларига кўра комиссия Лас-Вегасда мухлисларсиз UFC жангларини ўтказиш ғоясини тўлиқ қўллаб-қувватлайди.

30 май оқшомидаги марказий жанг собиқ UFC чемпиони Тайрон Вудли ҳамда Гилберт Бернс ўртасида ўтказилади. UFC бунгача бир ҳафта ичида учта турнир ўтказганди: 9 май куни UFC 249, 14 майда UFC Fight Night 171, 16 май санасида эса UFC Fight Night 172. Бу уччала турнирга Флорида штатининг Жексонвилл шаҳри мезбонли қилганди.