10 мар 11:10
Янгиликлар

Бокс/ММА

Расман. LFA турнирида Мирафзал Ахтамов эмас, Ҳумоюн Тўхтамуродов жанг қилади. Рақиб ҳам маълум!

27 март куни Бразилиянинг Сан Пауло шаҳрида ММА бўйича LFA 229 турнири бўлиб ўтади.

Аввалроқ, мусобақада ўзбекистонлик аралаш якка кураш устаси Мирафзал Ахтамов иштирок этиши ҳақида хабар бергандик. Бироқ маълум бўлишича, турнирда Ахтамов эмас, бошқа бир ҳамюртимиз — Ҳумоюн Тўхтамуродов октагонга кўтарилади.

Ҳумоюнга ўша куни Бразилия вакили Жулиано Пресендо рақиблик қилади. Баҳс асосий кард дастурига киритилган.

27 яшар Ҳумоюн Тўхтамуродов ҳисобида 14 та ғалаба ва 5 та мағлубият бор. 28 ёшли Пресендо эса ҳозирга қадар 14 та жанг ўтказиб, 11 та ғалаба ва 3 та мағлубият қайд этган.