19 авг 11:10
Янгиликлар

Бокс/ММА

Расман. Мовсар Евлоевнинг кейинги рақиби ва жанг санаси эълон қилинди

Ярименгил вазн тоифасида россиялик аралаш яккакураш устаси Мовсар Евлоевнинг навбатдаги жанги тафсилотлари маълум бўлди.

30 ёшли спортчи 6 октябрь куни АҚШнинг Юта штати, Солт-Лейк Сити шаҳрида ташкил этиладиган UFC 307 турнири доирасида октагонга кўтарилади.

Ўша куни Евлоевга энг енгил вазнда собиқ UFC чемпиони, америкалик Алжемейн Стерлинг рақиблик қилади. Оқшомнинг марказий жанги яримоғир вазн чемпиони Алекс Перейра ҳамда даъвогар Халил Раунтри ўртасида кечади.

Маълумот учун, Евлоев фаолияти давомида 18 та жанг ўтказиб, уларнинг барчасида ғалаба қозонган. Стерлинг эса 28 та жангда 24 ғалаба ва 4 мағлубият қайд этган.