09 июл 10:16
Янгиликлар

Футбол

Расман: Мусса – Англия чемпионлари сафини тўлдирди

Москванинг ЦСКА клуби собиқ ҳужумчиси Аҳмад Мусса фаолиятини Англия чемпиони сафида давом эттиради.

Нигериялик футболчи “Лестер Сити” билан 4 йиллик шартномага имзо чекди. Бу маълумот инглиз клуби расмий сайтида ҳам ўз тасдиғини топди. Британия матбуотида тарқатилган хабарларга кўра, “Лестер” Муссанинг трансфери учун 15 млн фунт стерлинг тўлаган.

Эслатиб ўтамиз, Аҳмад 2012 йили ЦСКА сафига келиб қўшилган ва ўтган тўрт мавсум давомида 168та учрашув ўтказиб, 54та гол киритганди. “Лестер” Муссага қадар “Ганновер” дарвозабони Рон-Роберт Цилер, “Ницца” ярим ҳимоячиси Нампалис Мендини ўз сафига қўшиб олганди.