Расман. Новак Жокович Майами "Мастерс"ини ҳам ўтказиб юборади

"Катта Дубулға" турнирларининг 22 карра чемпиони коронавирусга қарши эмланмагани учун АҚШга кира олмайди. Новак айнан шу сабаб билан Индиан-Уэллс "Мастерс" турнирида ҳам қатнаша олмаганди. 

Шунингдек, америкалик Себастьян Корда ҳам билагидан олган жароҳати сабаб турнирни ўтказиб юборади. Шу тариқа, Мiami Open турнирининг асосий тўр баҳсларида Даниэль Элахи Галан ва Денис Кудла Жокович ҳамда Корданинг ўрнини эгаллайди. 

Эслатиб ўтамиз, мавсумнинг навбатдаги нуфузли "Мастерс" турнири 22 март куни старт олади.