Расман! Осиё учун мўлжалланган лицензион мусобақа номаълум муддатга қолдирилди

Аниқроғи, 6-12 апрель кунлари Таиланднинг Бангкок шаҳрида ўтказилиши белгиланган стол тенниси бўйича Токио олимпиадасига йўлланма берувчи Осиё минтақалари учун ўтадиган лицензион мусобақа расман номаълум муддатга қолдирилди. Бу ҳақида мусобақа ташкилотчилари маълум қилишди. 

Эслатиб ўтамиз, ўтган ҳафтада коронавирус сабаб стол тенниси бўйича жорий йилнинг 22-29 март кунлари Жанубий Кореянинг Пусан шаҳрида ўтиши керак бўлган жаҳон чемпионати, 1-5 апрель кунлари Италиянинг Риччоне шаҳридаги жаҳон про-тури рейтинг мусобақаси, 21-23 апрель кунлари Эроннинг Теҳрон шаҳрида ёшлар ва ўсмирлар ўртасидаги Осиё чемпионати квалификацион турнири бекор қилинганди.