29 ноя 11:21
Янгиликлар

Футбол

Расман: Ўзбекистон МТЖ Японияга қарши ўртоқлик ўйини ўтказади

Ўзбекистон миллий терма жамоаси 2022 йилги ўйинларини кучли терма жамоага қарши баҳс билан бошлайди.

Бироз аввал ЎФА матбуот хизмати тарқатган маълумотга кўра, Сречко Катанец бошчилигидаги терма жамоамиз 2022 йилнинг 21 январь куни Япония терма жамоаси билан халқаро ўртоқлик ўйинида майдонга тушади. Мазкур беллашув Токиодаги "Саитама" стадионида бўлиб ўтади.

Эслатиб ўтамиз, Ўзбекистон терма жамоаси сўнгги бор 15 ноябрь куни Грузия терма жамоаси билан меҳмонда ўртоқлик ўйинида майдонга тушган ва 0:1 ҳисобида имкониятни бой берганди.