09 мар 11:10
Янгиликлар
Бокс/ММА
Расман. Паркер WBO чемпионлик камарини Фьюридан ҳимоя қилади
Профессионал бокснинг супероғир вазн тоифасида WBO йўналиши чемпиони Жозеф Паркер (22-0, 18 KO) ўз камарини британиялик Хьюи Фьюри (20-0, 10 KO)дан ҳимоя қилиши расман тасдиқланди.
Бу маълумотни Duco Events промоутерлик компанияси расмийлари тасдиқлашди. Жозеф Паркер айнан ушбу компания номидан ўз жангларини ўтказиб келяпти. Чемпионлик жанги 6 май куни Паркернинг ватани - Янги Зеландиянинг Окленд шаҳрида бўлиб ўтади.
Ҳар иккала боксчи ҳам фаолиятлари давомида ҳали мағлубиятга учрашмаган. Хатто дуранг натижа ҳам қайд этишмаган. Шу боисдан, ушбу чемпионлик жангига бўлган қизиқиш жуда ҳам юқори.
Таъкидлаш жоиз, Duco Events промоутерлик компанияси жанг ҳуқуқи учун ўтказилган очиқ савдода 3 миллион доллар таклиф қилганди. Британиялик промоутер Фрэнк Уорреннинг таклифи эса 2,8 миллион долларни ташкил қилганди. Паркер 3 млн. долларнинг 60 фоизига эга бўлади.
Ҳавола :
Манба : isport.ua
Фикрлар