10 авг 06:07
Янгиликлар

Бокс/ММА

Расман. Руис - Жошуа реванш жанги тасдиқланди, сана ва манзил ҳам аниқ! ФОТО

Профессионал бокснинг супероғир вазн тоифасида энг кутилган жанг ниҳоят расман тасдиқланди.

WBA Super, WBO, IBF ва IBO йўналишларида жаҳон чемпиони бўлиб турган мексикалик Энди Руис ҳамда ушбу камарларнинг собиқ соҳиби британиялик Энтони Жошуа ўртасидаги реванш жанги шу йилнинг 7 декабрь куни бўлиб ўтади.

Жанг манзили сифатида Саудия Арабистонининг пойтахт Ар-Риёдга яқин Ад-Дирия шаҳри танланди. Бу ҳақда британиялик машҳур промоутер, Жошуанинг ишини юритувчи Эдди Хирн ўзининг “Твиттер” ижтимоий тармоқдаги саҳифасида хабар берди.

Аввалроқ, Саудия Арабистони ҳукумати ушбу реванш жангини ўзида ўтказиш ва жангга эгалик қилиш ҳуқуқи учун 100 миллион доллар тўлашга тайёр эканлиги маълум бўлган эди. Руис ва Жошуа ўртасидаги илк жанг 1 июнь куни Нью-Йорк шаҳрида ўтказилиб, унда Руис рақибини еттинчи раундда техник нокаутга учратганди.