29 июл 10:17
Янгиликлар

Футбол

Расман. Сардор Рашидов "Қатар СК" билан шартнома имзолади ФОТО

Ўзбекистон терма жамоасига номзод ярим ҳимоячи Сардор Рашидов яна легионер сифатида фаолиятини давом эттиради.

Алишер Никимбаевнинг хабар беришича, футболчимиз Қатар Юлдузлар Лигасининг "Қатар СК" жамоаси билан шартнома имзолаган. Бу клуб ўтган мавсум якунларига кўра Юлдузлар лигасидаги ўрнини зўр-базўр ўтиш ўйинидаги ғалабаси эвазига сақлаб қолганди.

Рашидов учун Қатар бегона мамлакат эмас. У ўз вақтида "Ал Жайиш" клуби сафида ўйнаган. "Қатар СК" 1959 йил ташкил этилган бўлиб, клуб уй ўйинларини Доха шаҳридаги 15 000 мухлисга мўлжалланган "Суҳайм бин Ҳамад" стадионида ўтказади.

Жамоани бугунги кунда аргентиналик мураббий Серхио Батиста бошқариб бормоқда. Клуб 8 марта Қатар чемпиони бўлган (сўнгги марта 2003 йил). Қатарда янги мавсум 21 август куни старт олади. "Қатар СК" 1-турни ўз уйида "Ал Дуҳаил"га қарши ўтказади.