07 ноя 10:04
Янгиликлар

Бокс/ММА

Расман. Шон О'Мэлли Марлон Верадан камарини ҳимоя қилади, жанг санаси маълум

UFC президенти Дана Уайтнинг хабар беришича, энг енгил вазн тоифаси чемпиони Шон О'Мэлли илк ҳимоя жангини Марлон Верага қарши ўтказади.

УШбу чемпионлик жанги 2024 йилнинг 10 март куни UFC 299 турнири доирасида ўтказилади. Ҳозирча оқшомнинг қаерда ўтказилиши маълум эмас.

Эслатиб ўтамиз, Шон О'Мэлли охирги жангида собиқ чемпион Алжемейн Стерлингни мағлуб этиб, чемпионлик камарига эга чиққан эди. Вера билан жанг у учун фаолиятидаги илк ҳимоя жанги бўлади.

Қизиғи, Шон учун бу реванш жанги бўлади. Улар ўртасидаги илк жанг 2020 йилда ўтказилган ва ўшанда Вера Шонни илк раунддаёқ мағлуб этган эди.