07 ноя 11:49
Янгиликлар

Бокс/ММА

Расман. Шон Стрикленд чемпионлик камарини Дрикус Дю Плессидан ҳимоя қилади

Бу ҳақда UFC президенти Дана Уайт хабар берди.

Чемпионлик жанги 2024 йилнинг 20 январь куни Канаданинг Торонто шаҳрида ташкил этиладиган UFC 297 турнири доирасида ўтказилади.

Аввалроқ, ушбу турнирнинг марказий жангида енгил вазн чемпиони Ислам Махачев бразилиялик Чарльз Оливейра билан жанг қилиши айтилган эди, бироқ кейинчалик Уайтнинг ўзи бу фейк янгилик эканини маълум қилди.

Эслатиб ўтамиз, америкалик 32 ёшли Шон Стрикленд сўнгги жангини 9 сентябрь куни собиқ чемпион Исраэль Адесаньяга қарши ўтказиб, очколар ҳисобига кўра ғалаба қозонган ва чемпионга айланган эди. Дю Плессига қарши жанг унинг фаолиятидаги илк ҳимоя жанги бўлади.

Дрикус Дю Плесси эса охирги жангини 8 июль куни Роберт Уиттакерга қарши ўтказиб, иккинчи раундда техник нокаут орқали ғалаба қозонган эди.