Расман. Тай Туиваса UFC'даги кейинги жангини рейтингдаги "ён қўшниси"га қарши ўтказадиган бўлди + ПОСТЕР

Марказий жангида ярим енгил вазн тоифаси чемпиони Алекс Волкановски (26-3-0) Илия Топурия (14-0-0) билан жанг қиладиган турнирнинг яна иккита қизиқарли тўқнашуви эълон қилинди.

Унга кўра, оғир вазн тоифаси рейтингида тўққизинчи ўринни эгаллаб турган австралиялик Тай Туиваса (15-6-0) кейинги жангини ўнинчи поғонадаги Польша вакили Марчин Тибурага (24-8-0) қарши ўтказади. Жанг асосий кард доирасида 3 раунд этиб белгиланган.

Бундан ташқари, инсайдер Марсель Дорффнинг маълум қилишича, турнир доирасида аёллар ўртасида ўта енгил вазн чемпионлиги учун собиқ даъвогар Татьяна Суарес (10-0-0) бразилиялик Аманда Лемос (13-3-1) билан жанг қилади.

Шунингдек, турнир доирасида Мераб Двалишвили иккита вазн тоифасида собиқ чемпион Генри Сехудо билан жанг қилади.