Расман! Теренс Кроуфорд Шаҳрам Ғиёсовнинг вазнидаги яна бир камаридан воз кечди

Бу ҳақда WBA ташкилоти хабар бермоқда.

"Теренс Кроуфорд Бутунжаҳон бокс ассоциациясининг (WBA) супер яримўрта вазн тоифасида чемпион бўлиб қолишга ва ярим ўрта вазндаги камарини бўшатишга қарор қилди", дейилади хабарда.

Ташкилотнинг маълум қилишича, эндиликда литвалик Эймантас Станионис яримўрта вазндаги ягона чемпионга айланади. Мазкур вазн тоифасида жанг қилувчи ҳамюртимиз Шаҳрам Ғиёсов айни пайтда WBA рейтингида биринчи ўринни эгаллаб, қоидаси бўйича Станиониснинг камарига мажбурий даъвогар бўлиб турибди.

Эслатиб ўтамиз, Теренс Кроуфорд ҳозирда супер яримўрта вазн тоифасида WBA ва WBO Interim камарлари соҳиби бўлиб турибди.