31 окт 17:48
Янгиликлар

Бокс/ММА

Расман. Тожикистонлик Нурулло Алиев UFC 295 турнирида жанг қилади + ПОСТЕР

12 ноябрь куни АҚШнинг Нью-Йорк штатида UFC 295 турнири бўлиб ўтади.

Ташкилотчилар томонидан мусобақанинг яна бир жанги расман эълон қилинди.

Унга кўра, енгил вазн тоифасида тожикистонлик Нурулло Алиев (9-0-0) польшалик Матеуш Ребецки (18-1-0) билан жанг қиладиган бўлди. Тўқнашув 3 раунд этиб белгиланган.

Нурулло Алиев учун бу UFC'даги иккинчи жанг бўлади. У ўз дебютида бразилиялик Рафаель Алвесни очколар ҳисобига кўра мағлуб этган эди.

Матеуш Ребецки эса бугунгача UFC'да иккита жанг ўтказган ва уларнинг ҳар иккисида ғалаба қозонган. Қизиғи, у ўзининг охирги жангида тожикистонлик бошқа бир жангчи Лоик Ражабовни муддатидан олдин мағлуб этган эди.

Маълумот учун, UFC 295 турнирининг марказий жанги ярим оғир вазн чемпионлиги учун Иржи Прохазка ва Алекс Перейра ўртасида кечади.