16 апр 07:52
Янгиликлар

Бокс/ММА

Расман! Тошкент мезбонлик қиладиган Octagon 72 турнирининг икки асосий жанги эълон қилинди

11 май куни Тошкент шаҳридаги "Ҳумо арена" мажмуасида ММА бўйича Octagon 72 турнири ташкил этилади.

Қозоғистоннинг Octagon League ташкилоти ўтказадиган мазкур мусобақанинг икки асосий беллашуви маълум бўлди.

Унга кўра, марказий жангда енгил вазн тоифасида Лиганинг ўзбекистонлик амалдаги чемпиони Достон Бозоров (11-1) Тожикистон вакили Фазлиддин Мадраҳимов (14-5-1) билан тўқнаш келадиган бўлди. Ёдингизда бўлса, Мадраҳимов сўнгги икки жангини ҳамюртимиз Муҳиддин Мамажоновга қарши ўтказиб, дастлабкисида ғолиб бўлганди, иккинчи жангда эса дуранг қайд этилган.

Co main event эса айнан Муҳиддин Мамажонов (7-1-1) иштирокида ўтказилади. Ҳамюртимизга ўша куни мағлубиятсиз одимлаётган қозоғистонлик Саят Абдуали (7-0) рақиб бўлади.