03 июн 21:09
Янгиликлар

Бокс/ММА

Расман. Уайт - Поветкин жанги бекор қилинди

Супероғир вазн тоифасида ўтказилиши кутилган жанг яна номаълум муддатга қолдирилди.

Бу маълумотни бокс оқшоми ташкилотчиси Matchroom Boxing промоутерлик компанияси расман тасдиқлади. Коронавирус пандемияси сабаб Манчестер шаҳридаги яна иккита ивент ҳам кечроқ муддатга кўчирилди.

Matchroom Boxing промоутерлик компанияси 27 июнга мўлжалланган Ньюкасл, 11 июлдаги Кардиффдаги бокс оқшомларини мос равишда 17 октябрь ҳамда 3 октябрга кўчирди.

4 июль куни Манчестер шаҳрида ўтказилиши кутилаётган Александр Поветкин (35-2-1, 24 КО) ва Диллиан Уайт (27-1, 18 КО) ўртасидаги жанг эса бекор қилинди. Яъни, боксчилар ўртасидаги жанг Манчестерда бўлмайди. Кардифф ва Ньюкаслдаги бокс кечалари учун чипта олганлар янги санада ўтказиладиган оқшомга кираверишади. Манчестердаги бокс кечаси чипталари эса қайтарилади.