Расман. UFC 249 турнири ўтказилади, жанглар тасдиқланди (тўлиқ рўйхат)

Турнир ташкилотчилари UFC 249 оқшомининг файткард, яъни тўлиқ жанглар рўйхатини тасдиқлашди ва буни расман кенг оммага эълон қилишди. Кечанинг марказий жанги енгил вазн тоифасида вақтинчалик UFC чемпионлик камари учун америкалик Тони Фергюсон ҳамда Жастин Гэтжи ўртасида бўлиб ўтади. 

Хабарингиз бор, Гэтжи амалдаги жаҳон чемпиони, россиялик Хабиб Нурмагомедовнинг ўрнини эгаллаганди. Андеркард, яъни нуфузи бўйича иккинчи жанг реванш мақомида бўлиб, унда Жессика Андраде ва Роуз Намаюнас октагонда тўқнаш келишади.

UFC 249 турнирининг тўлиқ жанглари рўйхати:

Жастин Гэтжи — Тони Фергюсон;

Жессика Андраде — Роуз Намаюнас;

Грег Харди — Йорган Де Кастро;

Висенте Луке — Нико Прайс;

Кэлвин Каттар — Жереми Стивенс;

Жаирзиньо Розенструйк — Фрэнсис Нганну;

Юрая Холл — Жакаре Соуза;

Александр Эрнандес — Омар Антонио Моралес;

Марлон Вера — Рей Борг;

Майкл Жонсон — Хама Ворти;

Сижара Юбэнкс — Сара Морас;

Райан Спанн — Сэм Алви.

Эслатиб ўтамиз, ушбу оқшом доирасида ҳамюртимиз Маҳмуд Мурадов ҳам ўз жангини ўтказиши керак эди. Аммо, ташкилотчилар Мурадовнинг Карл Роберсонга қарши жангини бекор қилиш. Бу Маҳмуднинг UFCдаги учинчи жанги бўлиши мумкин эди.