22 июн 09:29
Янгиликлар

Бокс/ММА

Расман. UFC икки енгилмас жангчи иштирокида чемпионлик жангини ўтказади

Ўрта вазн тоифасида UFC чемпиони Исраэль Адесанья навбатдаги жангини бразилиялик Пауло Костага қарши ўтказадиган бўлди.

Ҳар икки спортчи ҳам жанг учун таклиф қилинган шартномага имзо чекишга улгуришган. Яқин орада супер тўқнашувнинг қачон ва қаерда ўтказилиши маълум қилинади. Пауло UFC президенти Дэна Уайтдан ушбу жанг учун 15 миллион доллар гонорар талаб қилган эди.

Маълумот учун, Исраэль фаолияти давомида ўн тўққизта жангда иштирок этиб, барчасида ғалаба қозонган. Пауло ҳам рақиби cингари ҳали бирор марта мағлубият аламини тортиб кўрмаган. Унинг ММАдаги натижаси - 13:0.

"UFCдаги янги миллиардерни кутиб олинг!", - дея Инстаграм саҳифасида хабар қолдирган Пауло.