Расман: UFC Луисвилл турнирининг марказий жангини тасдиқлади + ПОСТЕР

Лига матбуот хизмати ушбу оқшомнинг марказий жангини расман тасдиқлади.

Унга кўра, ўрта вазн тоифасида UFC рейтингида тўртинчи ўринни эгаллаб турган америкалик Жаред Каннонир (17-6-0) турнир доирасида октагонга кўтарилади. Унга ўша куни рейтингнинг саккизинчи поғонасидаги Франция вакили Нассурдин Имавов (13-4-1) рақиблик қилади.

Ўтган йилнинг январь ойида Нассурдин Имавов ўзининг учта ғалабадан иборат сериясини тўхтатганди. Ўшанда у беш раундлик жанг якунида ҳакамларнинг якдил қарори билан Шон Стриклендга ютқазиб қўйганди. Имавовнинг Крис Кертисга қарши кейинги жанги эса ўтказилмаган дея топилган эди. Боиси, жангчилар иккинчи раундда бош билан тўқнашиб кетишганди. Шундан сўнг Нассурдин Роман Долидзени мағлуб эта олди.

Жаред Каннонир эса 2022 йилнинг июль ойида Исраэль Адесаньяга қарши кечган чемпионлик жангида ютқазди. Шундан кейин америкалик аралаш яккакураш устаси кетма-кет иккита жангда зафар қучди. Аввалига ҳакамларнинг айри қарори билан Шон Стриклендни, кейин эса Марвин Ветторини енгди.