17 ноя 10:08
Янгиликлар

Бокс/ММА

Расман. UFC Магомед Анкалаев ва Жонни Уокер ўртасидаги реванш жангини эълон қилди + ПОСТЕР

2024 йил 14 январь куни Америка Қўшма Штатларининг Лас-Вегас шаҳрида жойлашган "UFC Apex" навбатдаги UFC кечаси ташкил этилади.

UFC матбуот хизмати мусобақанинг марказий жангини эълон қилди.

Унга кўра, ярим оғир вазн тоифасида россиялик аралаш якка кураш устаси Магомед Анкалаев (18-1-1) бразилиялик Жонни Уокерга (21-7-0) қарши реванш жангида октагонга чиқади. Жанг 5 раунд этиб белгиланган.

Эслатиб ўтамиз, улар ўртасидаги илк жанг 2023 йил 21 октябрь куни Абу-Дабида (БАА) ташкил этилган UFC 294 мусобақаси доирасида ўтказилган эди. Мазкур жанг Магомед Анкалаев Жонни Уокерга тақиқланган зарба йўллаши ва Уокер бундан жароҳат олиши натижасида "ўтказилмаган", дея баҳоланган эди.