Расман! UFC Шара Буллетнинг навбатдаги жангини тасдиқлади

UFC бу маълумотни расман тасдиқлади. Россиялик аралаш яккакураш устаси аввал хабар берилганидек, 1 февраль куни Саудия Арабистони пойтахти Ар-Риёд шаҳрида ташкил этиладиган турнирда британиялик Майкл Пейжга қарши октагонга кўтарилади.

"Ҳа бу ҳақиқат – рақиб аниқ Майкл Пейж бўлади. Лекин бу жанг Шарани чемпионлик жангига яқинлаштирадими ёки йўқ, буни билмадим", - деди Буллетниг менежери Ризван Магомедов. 

Мағлубият ва муроса нималигини билмай келаётган Шарабутдин Магомедов бир ой олдин UFC промоушенидаги тўртинчи ғалабасини қўлга киритганди. Ўшанда у иккинчи раундда ўзининг собиқ спарринг-шериги Армен Петросянни нокаутга учратган эди. Бу жангига қадар Шара Буллет Бруно Сильва ва Михал Олексийчукни очколар бўйича мағлуб этган, Антонио Троколини эса нокаут қилганди.

Яримўрта вазнда собиқ Bellator чемпиони Майкл Пейж эса дунёнинг энг кучли лигасида иккита жанг ўтказиб, Кевин Холланддан устун келди, Йен Мачадо Гэррига эса ютқазиб қўйган.