12 окт 23:43
Янгиликлар

Бокс/ММА

Расман! UFC Шавкат Раҳмоновнинг навбатдаги рақиби ва жанг санасини эълон қилди. У ниҳоят ўз мақсадига эришди

Қозоғистонлик аралаш якка кураш устаси, ярим ўрта вазн тоифасида UFC камари учун даъвогар Шавкат Раҳмоновнинг навбатдаги жанги расман эълон қилинди.

У 8 декабрь куни Лас-Вегасда бўлиб ўтадиган UFC 310 турнири доирасида октагонга кўтарилади.

Аҳамиятлиси, Шавкат мусобақада ярим ўрта вазн чемпиони, америкалик Белал Муҳаммад билан жанг қилади. Бу Белал учун чемпионликдан кейинги илк ҳимоя жанги бўлади.

Маълумот учун, 36 ёшли Белал Муҳаммаднинг ҳисобида 24 та ғалаба ва 3 та мағлубият бор. У сўнгги олтита жангида фақатгина ғалаба қайд этмоқда.

29 ёшли Шавкат Раҳмонов эса ҳозирга қадар 18 та жанг ўтказиб, уларнинг барчасида муддатидан олдин зафар қучган.