05 янв 09:49
Янгиликлар

Бокс/ММА

Расман. UFC яна бир қозоғистонлик ММАчининг жангини эълон қилди + ПОСТЕР

Аввал хабар берганимиздек, ўта енгил вазн тоифасида қозоғистонлик UFC жангчиси Асу Алмабаев навбатдаги жангини америкалик СиЖей Варгарага қарши ўтказади.

Жанг жорий йилнинг 10 март куни Майамида ўтказиладиган UFC 299 турнири доирасида ташкил этилади.

UFC матбуот хизмати мазкур жангни расман эълон қилди.

Турнирнинг марказий жанги энг енгил вазн тоифаси чемпиони, америкалик Шон О'Мэлли (17-1-0) ҳамда эквадорлик даъвогар Марлон Вера (23-8-1) ўртасида кечади.

Эслатиб ўтамиз, Асу Алмабаев UFC'даги дебют жангини 2023 йил август ойида асли ямайкалик Оде Осборнга қарши ўтказиб, муддатидан олдин ғалаба қозонган эди.