29 май 11:57
Янгиликлар

Бокс/ММА

Расман! Хабиб Махачевнинг бурчагида бўладими деган саволга унинг ўзи жавоб берди

Енгил вазнда собиқ UFC чемпиони Хабиб Нурмагомедовнинг якшанба тонгидаги жангда Ислам Махачевнинг бурчагида бўладими деган савол кўпчиликни қизиқтираётганди.

Нурмагомедов Дастин Порьега қарши кечадиган чемпионлик ҳимоя жангида Ислам Махачевнинг бурчагида секундант вазифасини бажаради. Буни Исламнинг ўзи тасдиқлади.

"Бургут Жерсига қўнди, у менинг бурчагимда бўлади. Очиғини айтсам, мен жуда ҳам бахтиёрман. Хабиб мен учун дунёдаги энг яхши секундант, мураббий, ака ва дўст", — деди Махачев.

Эслатиб ўтамиз, Ислам Махачев ўзининг учинчи чемпионлик ҳимоя жангини бизнинг вақт билан 2 июнь куни тонгда АҚШнинг Ньюарк шаҳрида америкалик даъвогар Дастин Порьега қарши ўтказади. Бу қарама-қаршилик UFC 302 турнирининг марказий жанги бўлади.