21 июл 12:10
Янгиликлар
Эшкак эшиш, Олимпия ўйинлари, Париж-2024
Расман. Халқаро Олимпия қўмитаси беларуслик Токио Олимпиадаси совриндорининг Ўзбекистон таркибига ўтишини маъқуллади
Эшкак эшиш бўйича Токио Олимпиадасининг кумуш медали совриндори Анна Пракатень Париждаги ўйинларда Ўзбекистон терма жамоаси шарафини ҳимоя қилади.
"Ижроия қўмитаси уч йиллик кутиш муддатидан озод қилиш ҳақидаги сўровга рози бўлди ва спортчиларнинг Париждаги Олимпиада ўйинларида Миллий Олимпия қўмиталари вакили бўлиш ҳуқуқини тасдиқлади", деб ёзди ХОҚ вакили Кристиан Клауе ижтимоий тармоқлардаги саҳифалари орқали.
Пракатень Ўзбекистон терма жамоасига сафига 2023 йилнинг апрель ойида ўтган эди. У Осиё ўйинларида мамлакатимизга олтин медални тақдим этган эди.
Маълумот учун, Анна Минскда туғилган ва 2016 йилгача Беларус терма жамоаси сафида ҳаракат қилган, кейин эса Россия терма жамоасига ўтган. Токио-2020 Олимпия ўйинларида у яккалик баҳсларида кумуш медални қўлга киритганди. Париждаги мусобақада ҳам Анна Ўзбекистон сафида яккалик дастурида чиқиш қилади.
Ҳавола :
Манба : olamsport.com
Фикрлар