04 авг 13:18
Янгиликлар

Бокс/ММА

Расман. Хамзат Чимаевнинг UFC'даги кейинги рақиби ва жанг санаси эълон қилинди

26 октябрь куни Бирлашган Араб Амирликларининг Абу-Даби шаҳрида UFC 308 турнири ўтказилади.

Мусобақадан ўрин олган жанг эълон қилинди.

Ўрта вазн тоифасида асли чеченистонлик, ҳозирда БАА шарафини ҳимоя қилаётган Хамзат Чимаев турнир доирасида октагонга чиқади. Унга ўша куни австралиялик Роберт Уиттакер рақиб бўлади.

Маълумот учун, Хамзат айни дамда ўрта вазнда UFC рейтингида 11-ўринни эгаллаб турган бўлса, Уиттакер бу рейтингда 3-ўринда қайд этилган эди.

Аслида, мазкур жанг 22 июнь куни UFC Ар-Риёд турнирида ташкил этилиши керак эди, бироқ Хамзат Чимаевнинг жароҳати бунга ҳалақит берган эди.