17 май 10:34
Янгиликлар

Бокс/ММА

Расман! Ян Блахович - Алекс Перейра жанги ҳам тасдиқланди

29 июль куни ўтказиладиган UFC 291 турнири учун яна бир қизиқарли жанг белгиланди.

Собиқ UFC чемпиони Ян Блахович ҳамда бразилиялик Алекс Перейра UFC 291 турнири октагонида ўзаро тўқнаш келадиган бўлишди. Промоушеннинг расмий Твиттер саҳифасида бу ҳақда хабар берилди.

Ушбу турнир 29 июль куни АҚШнинг Солт-Лейк-Сити шаҳридаги "Вивинт-Арена"да бўлиб ўтади. Бу Алекс Перейра учун яримоғир вазн тоифасидаги илк жанг бўлади.

Эслатиб ўтамиз, Блахович сўнгги жангини UFC 282 турнири доирасида россиялик Магомед Анкалаевга қарши ўтказиб, дуранг натижа қайд этганди. Алекс Перейра эса шу йилнинг апрель ойида Исраэль Адесаньяга нокаут билан ютқазиб, ўрта вазн тоифасидаги UFC чемпионлик камарини бой берган эди.