18 янв 09:29
Янгиликлар

Бокс/ММА

Расман! Ярослав Амосов - Майкл Пейж жанги тасдиқланди

Яримўрта вазнда амалдаги Bellator чемпиони Ярослав Амосовнинг илк ҳимоя жанги расман ўз тасдиғини топди.

Украиналик жангчи 13 май куни Лондонда ўтказиладиган турнирда рейтингда биринчи ўринни эгаллаб турган британиялик Майкл Пейжга қарши октагонга кўтарилади.

Табиийки, ушбу чемпионлик жанги Лондондаги турнирнинг марказий баҳси бўлади. 28 ёшли Ярослав Амосов Bellator промоушенида 7 ғалабадан иборат серияни давом эттирмоқда. Охирги жангида Даглас Лимани очколар ҳисобига кўра мағлубиятга учратган эди.

34 ёшли Майкл Пейж эса Bellator промоушенида кетма-кет 6 та жангда зафар қучган. Қизиғи, у ҳам сўнгги жангида Даглас Лимани уч раундлик жангда очколар ҳисобига кўра ғалаба қозонганди.