Расман: Юрген Клопп — Германия терма жамоаси янги бош мураббийи

У Германия терма жамоаси постида Юлиан Нагельсманннинг ўрнини эгаллайди.

Клопп 2023/24 йилги мавсум якунида “Ливерпул”ни тарк этганди. Ўшандан бери ҳеч қайси жамоани бошқармади.

2025 йил 1 январдан бошлаб германиялик мутахассис “Red Bull” компаниясида футбол йўналишининг глобал раҳбари сифатида ишлаб келаётганди. У ушбу спорт империяси таркибига кирувчи барча клубларни назорат қилди.

“Ливерпуль” ва Дортмунднинг “Боруссия” клублари собиқ устози жамоани Евро-2028 ва ЖЧ-2030 мусобақаларига тайёрлайди.

Юрген Клопп расман 15 августдан ўз вазифасини бажаришга киришади.

Унинг мураббийлар штабидан Петер Кравиц, Пепейн Лейндерс ва Свен Бендер ўрин олади.

Dастлабки икки мутахассис Юрген Клопп билан “Ливерпул”да, Петер Кравиц “Майнц” ва Дортмунднинг “Боруссия”сида ҳам бирга ишлаган. Свен Бендер эса унинг қўл остида “Боруссия”да тўп тепган.

Юрген Клопп Германия терма жамоаси бош мураббийи сифатидаги дебютини 24 сентябрь куни ўтказади. Шу куни “Бундестим” Миллатлар Лигаси-2026/27 турнири “А” Лигаси гуруҳ босқичи 1-турида Нидерландияга қарши майдонга тушади.