Расмий хабар: Ўзбекистон терма жамоаси 9 ноябрда Қирғизистон билан ўйнайди

Буни Қирғизистон терма жамоаси бош мураббийи Александр Крестинин ҳам тасдиқлаган эди. Бугун ЎФА ушбу учрашув ўтказилиши борасида расман хабар берди:

"Ўзбекистон миллий терма жамоаси 9 ноябрь Тошкентда Қирғизистон миллий термасига қарши ўртоқлик учрашуви ўтказади. Мазкур ўйин "Пахтакор" стадионида ташкил этилади", - деб ёзади ЎФА матбуот хизмати.  

ЎЗБЕКИСТОН - ҚИРҒИЗИСТОН
"Пахтакор" стадиони. 17:00

Эслатиб ўтамиз, ноябрда ФИФА кунлари доирасида Ўзбекистон терма жамоаси Тошкентда иккита расмий ўйин ўтказади. Саралаш босқичи доирасида дастлаб 14 ноябрь куни Саудия Арабистони меҳмон бўлса, кейинчалик 19 ноябрь куни Фаластинга қарши ўйин орқали иккинчи даврага старт берилади.

Айни пайтда терма жамоамиз ЖЧ-2022 ҳамда ОК-2023 қўшма саралаш босқичининг "D" гуруҳида 4-турдан кейин 6 очко жамғарган ҳолда пешқадамлик қилмоқда.