21 ноя 16:31
Янгиликлар

Бокс/ММА

Расмий хабар! Хабиб Нурмагомедов иштирокидаги матбуот анжумани ўтказилади

Бугун пойтахтимиздаги Тошкент Сити ҳудудида қад ростлаган "Конгресс Холл"да Хабиб Нурмагомедов иштирокида матбуот анжумани ўтказилиши керак эди.

Хабар берганимиздек, бугунги узоқ кутилган матбуот анжумани маълум сабабларга кўра бекор бўлганди. Ҳозиргина ташкилотчилар матбуот анжуманининг янги вақти ва манзилини сайтимизга маълум қилишди.

Унга кўра, GFC 20 турнири олдидан ташкил этиладиган матбуот анжумани эртага соат 16:00да пойтахтимиздаги "Форумлар саройи"да, аниқроғи саройнинг учинчи қаватида ўтказилади. Оқшом иштирокчиларини тарозидан ўтказиш ҳамда кўз уриштириш маросимлари матбуот анжумани якунланганидан сўнг, соат 18:00да айнан ўша ерда бўлиб ўтади.

Яна бир бор турнир ташкилий қўмитаси юзага келган ушбу ноқулай ҳолат учун узр сўрайди.