Равшан Эрматов гандболчиларимизнинг машғулотини кузатди

Хабар берганимиздек, шу кунларда гандбол бўйича Ўзбекистон ўсмирлар ва қизлар терма жамоалари навбатдаги ўқув-машғулот йиғинларида иштирок этишмоқда.

Жумладан, 1 ноябрдан бошлаб Самарқанд шаҳридаги 2-сонли Академик лицей спорт залида ўсмирлар терма жамоаси аъзолари ўқув-машғулотлар йиғинини олиб боришмоқда.

Айни пайтда Самарқанд вилоятида бўлиб турган Жисмоний тарбия ва спорт вазирининг биринчи ўринбосари Равшан Эрматов ёш гандболчиларимизнинг машғулотларини кузатди.

Ташриф давомида Равшан Сайфиддинович гандболчиларимизга яратилган шароитлар билан қизиқди ҳамда бўлажак мусобақаларда спортчиларимизга омад тилади.