Разамбек Жамалов — Олимпиада, Бекзод Абдураҳмонов ва бошқа мавзуларда гапирди

"Ўзбекистон, яхши қабул қилганингиз учун раҳмат! Бу менга ишонч бағишлайди. Улар мени жуда яхши кутиб олишди. Ажойиб шароитлар яратиб берилди. Мен буларнинг бари учун миннатдорман ва яхши натижалар кўрсатишга ҳаракат қиламан. 

Бизда вазифа бор эди. Бу мусобақада ким яхши иштирок этса, ўша Олимпиадага бориши айтилганди. Бугун ғалаба қозонишга муваффақ бўлдим. Мен бу вазифани бажардим. Албатта, рақибим Бекзод Абдураҳмонов анча тажрибали, меҳнаткаш, инсон сифатида ҳам анча яхши дўст. Унга мустаҳкам соғлик тилайман. Агар мен унга керак бўлиб қолсам, ҳар қандай вақт ва вазиятда бунга тайёрман. Унга ёдрамим тегса, фақат хурсанд бўламан. 

Менда дунёдаги энг яхши мураббийлар бор. Мен буни жасорат билан айта оламан ва шунга ишонаман. Улар билан маслаҳатлашиб иш қиламиз. Олимпиада менинг орзум эди. Бу менинг Олимпиадам! Ҳозирги кайфиятим шундай", деди Жамалов.

Эслатиб ўтамиз, кеча Разамбек Жамалов рейтинг сериясига кирувчи Будапешт халқаро турнирининг ғолибига айланган эди. Абдураҳмонов эса мусобақадаги иштирокини ярим финалда якунлаганди.