"Реал" 2022 йилда Мбаппега фантастик суммадаги бонус таклиф қилгани маълум бўлди

"Реал Мадрид" клуби Килиан Мбаппени 2024 йил ёзида қандай шартларга кўра у билан шартнома имзолаши мумкинлиги борасида хабардор қилди.

The Athletic нашри берган маълумотга кўра, 2022 йилда "Реал Мадрид" Киллиан Мбаппега йилига 26 млн евро маош таклиф қилган. Бундан ташқари, "Реал" франциялик ҳужумчига агар клуб билан шартнома имзолайдиган бўлса, 130 млн евро миқдоридаги бир марталик бонусни ваъда қилган. 2024 йилда эса "Реал Мадрид" берадиган таклиф бундай даражада бўлмайди. Клубнинг молиявий ҳолати, трансфер сиёсатининг ўзгариши ва бошқа сабаблар туфайли мадридликлар бу каби катта миқдордаги пулни Мбаппе учун сарфлай олишмайди.

Шунга қарамай, агарда Мбаппе "Реал"нинг олдингига нисбатан кичикроқ бўлган таклифини қабул қилсадиган бўлса ҳам, клубдаги энг кўп маош олувчи футболчига айланади. "Қироллик клуби" Килианни Мадридга олиб келиш учун бор имкониятини ишга солади. Тез орада франциялик ҳужумчи келажаги борасида қарор қабул қилади.