10 июн 15:29
Янгиликлар

Футбол

"Реал" 2025 йилги клублар ўртасидаги ЖЧда иштирок этмоқчи эмаслиги ҳақида гапирилди, кейин эса...

Теглар : Реал

ФИФА 2025 йилда 32 та жамоа иштирокида клублар ўртасидаги Жаҳон чемпионатини ўтказмоқчи.

Аввалига Европа чемпионлар лигасининг амалдаги ғолиби Мадриднинг "Реал" клуби клублар ўртасидаги Жаҳон чемпионатида иштирок этмаслиги ҳақида хабар берилди. Мураббий Анчелоттининг айтишича Мадрид клуби ФИФА таклифини рад қилади ва АҚШга бормайди. Бунга сабаб сифатида мукофот жамғармасининг камлиги айтилганди.

"Реал" битта ўйин учун АҚШга борса 20 млн евро ишлаб топади. ФИФА эса бизга бутун турнир учун шунча пул беришмоқчи. Узр", - деганди Анчелотти.

Кейинчалик клуб ушбу гап-сўзларни инкор этди. Анчелотти эса бу гап-сўзларига қуйидагича изоҳ берди: "Менинг сўзларимни нотўғри талқин қилишди".