"Реал" Александер-Арнолдни ўз сафига қўшиб олмоқчи

Футболчини "Реал" ўз таркибида кўришни жуда хоҳламоқда, мадридликлар унда Дани Карвахалнинг ўринбосарини кўришмоқда. "Қаймоқранглилар" 32 ёшли Карвахаль кейинги бир неча мавсум давомида ҳозирги формасини ушлаб тура олишига ишонишмаяпти.

Трентнинг ўзи ҳам клубини алмаштиришга қарши эмас. Чунки, "Ливерпуль"га янги мураббий келган ва улар Англияда ҳам, халқаро майдонда ҳам фаворит ҳисобланишмаяпти. Мадридликлар таркибида эса совринлар ютиш эҳтимоли юқори. Бундан ташқари, Трентнинг "Ливерпуль" билан шартномаси бир йилдан кейин ўз ниҳоясига етади ва у ҳали келишувни узайтиришга шошилмаяпти. Айни шу сабаб "қизиллар" ҳимоячини катта суммага сота олмаслиги мумкин.