09 июн 11:13
Янгиликлар

Футбол

"Реал" Браим Диас учун "Милан"дан 30 миллион евро олмоқчи

"Милан" "Реал" ярим ҳимоячиси Браим Диасни харид қилиш бўйича музокаралар олиб бормоқда.

Мадридликлар 21 ёшли испаниялик футболчи билан 30 миллион евро эвазига хайрлашишга тайёрлар. "Милан"нинг харид қилиш ҳуқуқи билан ўйинчини такрорий ижарага олиш варианти ҳам бор.

"Реал" ўйинчини сотса, Браимни 30 миллион еврога қайта харид қилиш ҳуқуқини ўзида сақлаб қолади. Диас 2020/21 йилги мавсумни "Милан" таркибида ижарада ўтказди. Футболчи жамоа либосида 39 та ўйинда майдонга тушиб, 7 та гол ва 4 та ассист қайд этди.