"Реал" бразилиялик хавбек билан шартномани бекор қилди

AS'нинг берган маълумотига кўра, бу иккала томоннинг келишуви асосида амалга ошган. 

26 ёшли хавбек 2015 йили "Крузейро"дан 13 млн. евро эвазига «қироллик клуби»га трансфер қилинганди. Асосий жамоада 9та ўйин ўтказганидан кейин Сильва "Марсель" (2015-2016) ҳамда "Крузейро"да (2017-2019) ижара асосида фаолият олиб борди. 

2016 йилда у юрагида муаммолар борлиги боис футбол билан хайрлашиши ҳақида эълон қилди. Бироқ, ушбу мурожаатининг эртаси куни Лукас барчаси жойида эканлигини айтиб,  фаолиятини давом эттирди.