14 авг 18:30
Янгиликлар

Футбол

"Реал" бугун "Барселона"дан ўтиб кетиши ва навбатдаги рекордларни ўрнатиши мумкин

Бугун тунда УЕФА Суперкубоги учун баҳсда "Реал" ва "Аталанта" ўзаро баҳс олиб боради.

Агар бугун мадридликлар бергамоликларни таслим этишса иккита эътиборга молик рекорд ўрнатилади. "Қироллик клуби" "Аталанта"ни мағлуб этса, азалий рақиби "Барселона" ҳамда "Милан"ни ортда қолдириб УЕФА Суперкубогининг 6 карра ғолибига айланади. Бундан ташқари, мадридликлар устози Карло Анчелотти мураббий сифатида ушбу совринни 5 бор қўлга киритган илк мутахассисга айланади.

Ҳимоячи Дани Карвахаль ва ярим ҳимоячи Лука Модрич эса ўйинчи сифатида Суперкубокни беш марта ютган илк қаҳрамонларга айланишлари мумкин.